अपहरित क्याम्पस प्रमुखको अवस्था अज्ञात

नेपालगन्ज, १५ चैत । चार दिनअघि अपहरणमा परेका स्थानीय महेन्द्र बहुमुखी क्याम्पसका प्रमुख राजितराम पाठकको अवस्था अझै अज्ञात रहेको छ । उहाँको सकुशल रिहाइका लागि बाँके जिल्लाका विभिन्न सङ्घसंस्था, राजनीतिक दल, नागरिक समाज तथा विद्यार्थीले आग्रह गरेका छन् ।

क्याम्पसप्रमुख पाठकको अपहरणमा संलग्न अज्ञात समूहले टेलिफोनमार्फत रु. १५ लाख फिरौती माग गरेको उहाँकी धर्मपत्नी कृष्णा पाठकले बताउनुभयो । प्रहरीले श्री पाठकको व्यापक खोजी भइरहेको जनाएको छ ।