रुकुम, १४ चैत । नेपाली काँग्रेसका पुरुष कार्यकर्ताहरुको समुहले एक स्थानिय महिलालाई कुटपिट गरेका छन् । सार्वजनिक ठाउँमा निजि घर बनाएको विषयमा छलफल भइरहेको वेला शुक्रबार बिहान रुकुमको काँडामा कांग्रेसका कार्यकर्ताले अखिल नेपाल महिला संघ क्रान्तिकारीकी जिल्ला सदस्य माया छिनाल र गाउँ इकाई समितिकी सदस्य सरिता छिनाललाई आक्रमण गरी घाइते बनाएका छन् ।
रुकुम जिल्लाको काँडा गाविस वडा नं.४ सेरावाङ्ग गाउँको सार्वजनिक चौतारीमा निजि घर बनाएको विषयमा उत्पन्न भएको विवाद अन्त्य गर्न छलफल भइरहेको बेला नेपाली काँग्रेसका कार्यकर्ता भक्तिराम बुढा, नारायण बुढा र शान्तबहादुर बुढाले आक्रमण गरी घाइते बनाएका हुन् ।
विवाद अन्त्यका लागि भइरहेको छलफलमै आक्रमण गरेपछि माया छिनाल र सरिता छिनालले प्रतिकार गर्दा दोहोरो झडप पछि उनीहरु पनि सामान्य घाइते भएको बताइएको छ । घाइते महिलाहरुमध्ये माया छिनालको आँखामा गहिरो चोट लागेको छ । घाइते माया र सरितालाई जिल्ला अस्पताल सल्ले ल्याईएको छ ।
No comments:
Post a Comment