बुटवल , चैत्र १३ - असन्तुष्ट एमाले कार्यकर्ताले बुटवलमा रहेको एमाले लुम्बिनी अञ्चल कार्यालयमा ताला लगाइ दिएका छन् ।
रुपन्देही जिल्ला कमिटीले कारवाही प्रकि्रया अगाडि बढाएका जिल्ला सदस्य एजाज आलमलाई अञ्चल कमिटीले फुकुवा गरेको विरोधमा अन्य कार्यकर्ताहरुले कार्यालयमा तालाबन्दी गरेका हुन् । एमाले क्षेत्रीय सदस्य देवेन्द्र ध्वजुको नेतृत्वमा गएको २५/३० जनाको टोलीले बिहान साढे ११ बजेतिर कार्यालयमा ताला लगाएको हो । गएको माघमा रुपन्देही उद्योग संघको अध्यक्ष पदमा पार्टीले क्षेत्रीय सदस्य ध्वजुको नाम सिफारिस गरेपनि जिल्ला सदस्य आलमले आफूखुसी उमेदवारी दिएका र जितेका पनि थिए । तत्पश्चात एमाले जिल्ला कमिटीले माघ ४ गते उनलाई ६ महिनासम्मका लागि जिल्ला सदस्यबाट निलम्बीत गरेको थियो । तर चैत ५ गते बसेको अञ्चल कमिटीको बैठकले उनको निलम्बन फुकुवा गरेकाले उक्त निर्णयको विरोधमा तालाबन्दी गरिएको तालाबन्दीमा संलग्न एमाले कार्यकर्ताहरुले बताएका छन् । साथै अञ्चलले निर्णय फिर्ता नलिदासम्म तालाबन्दी जारी राख्ने पनि उनीहरुले चेतावनी दिएका छन् । यता जिल्ला अध्यक्ष लिला गिरीले भने अञ्चलको निर्णयमाथि आफुहरुले प्रश्न नउठाएको र जिल्ला कमिटी तालाबन्दीमा संलग्न नरहेको बताए ।
No comments:
Post a Comment